À propos
Kiyes nou ye ?
CAREER.VISION, yon sit entènèt ki anrejistre kòm antrepriz anliy nan Ministè Komès ak Endistri peyi Dayiti, se yon platfòm k ap travay pou ede etidyan ak pwofesyonèl jwenn bon jan enfòmasyon ak fòmasyon pou trase chimen yo, travay epi kreye richès. Li kenbe men yo pou ede yo fè bon chwa karyè epi kontinye fòme tèt yo.
Nou ofri sèvis epi devlope solisyon pou oryante jèn yo avan ak aprè etid segondè yo. Nou klere chimen yo pou ede yo chwazi fòmasyon ak etid ki debouche sou karyè yo reve a, pazapa ak gwo chanjman ekonomik ak teknolojik k ap boulvèse mond lan. Nou ede pwofesyonèl ak travayè yo pèfeksyone tèt yo nan domèn yo ye a oubyen chanje metye pou yo ka fè fas ak fason sistèm travay yo ap evolye.
Vizyon nou se « yon Ayiti kote popilasyon an ak enstitisyon yo devlope konesans, rechèch ak fòmasyon pou pwodwi richès epi leve gwo defi peyi a ak rès mond lan ap afwonte... »